நாடி நாடி நரசிங்கா!

துப்புடையாரை அடைவதெல்லாம் சோர்விடத்துத் துணையாவரென்றே ஒப்பிலேனாகிலும் நின்னடைந்தேன் ஆனைக்கு நீ அருள் செய்தமையால் எய்ப்பு என்னை வந்து நலியும்போது அங்கு ஏதும் நான் உன்னை நினைக்க மாட்டேன் அப்போதைக்கு இப்போதே சொல்லி வைத்தேன் அரங்கத் தரவணைப் பள்ளியானே!

பொருள்: ஸ்ரீரங்கத்தில் பள்ளி கொண்டபெருமாளே! தளர்ச்சி அடைந்த காலத்தில் காப்பாற்றுவர் என்ற எண்ணத்தில் தகுதி படைத்தவர்களை அண்டிவாழ்வது உலக இயல்பு. நான் தகுதியற்றவன் என்றாலும், உன்னைச் சரணடைந்தேன்... ஏன் தெரியுமா? "ஆதிமூலமே' என்று அழைத்த யானைக்காக ஓடிவந்தவன் அல்லவா! நோaயால் அவதிப்படும் காலத்தில் உன்னை நினைக்க சக்தியற்றவனாகி விடுவேன். அதனால், இப்போதே உன் திருநாமத்தைச் சொல்லி வைத்து விட்டேன்.

Saturday, January 2, 2010

SRIRANGAM

நம்ம ஆண்டாள் பாடின திருப்பாவை அழகான விளக்கங்களோடு படிக்க
http://madhavipanthal.blogspot.com என்ற இணையதளத்தை பயன்படுத்தவும்
பிளாக்கர் - கண்ணபிரான் ரவி ஷங்கர் என்பவர் அருமையாக விளக்கம்
கொடுத்துள்ளார். அவருக்கு நன்றி

http://madhavipanthal.blogspot.com

2 comments:

Anonymous said...: அம்பாள் தரிசனம் அருமை.மெய்மறந்து பார்த்துக்கொண்டிருந்தேன்...ஆமாம் விளக்கங்கள் அருமையாக உள்ளது அந்த தளத்தில்.பகிர்விற்கு நன்றி.; April 8, 2010 at 10:42 PM
நாடி நாடி நரசிங்கா! said...: Ammu Madhu said...
அம்பாள் தரிசனம் அருமை.மெய்மறந்து பார்த்துக்கொண்டிருந்தேன்...ஆமாம் விளக்கங்கள் அருமையாக உள்ளது அந்த தளத்தில்.பகிர்விற்கு நன்றி:::))))

மிக்க நன்றீங்க!; April 9, 2010 at 12:41 PM

Post a Comment

Subscribe to: Post Comments (Atom)

மேலே உள்ள படத்தில் அரங்கன் சாற்றிக் கொண்டிருக்கும் கிரீடத்தின் பெயர் 'பாண்டியன் கொண்டை'. இந்த விலைமதிக்க முடியாத கிரீடத்தினை சுந்தரபாண்டியன் என்ற பேரரசன் சமர்ப்பித்தான். ஆனால் அது பழுதாகி அதேப்போன்ற இந்த கிரீடத்தினை ஒரு ஆண்டி வீதிவீதியாக உஞ்சவிருத்தி எடுத்துச் செய்தார் என்றால் உங்களால் நம்பமுடிகிறதா?

அவர்தான் ஸ்ரீ அல்லூரி வேங்கடாத்ரி

அரங்கனைப் பொறுத்த வரை அரசனும் ஒன்றுதான்! ஆண்டியும் ஒன்றுதான்! அவன் முடிவெடுத்து விட்டால் யாரை வேண்டுமானாலும் செய்விக்கச் செய்வான்!

ஸ்ரீ அல்லூரி வேங்கடாத்ரி வரலாறு

ஸ்ரீ அல்லூரி வேங்கடாத்ரி எழுதிய கீர்த்தனைகளை இன்றும் பல பஜனை குழுவினர் பாடி பெருமாளை அடைந்து ஆனந்த நிலைக்கு செல்கிறார்கள்.

உதாரணத்திற்கு ஒரு பாடல் .

http://www.box.com/s/0mublpx3su0t9f68ih5f

கீர்த்தனைகளை இசை வடிவில் பெற 98417 88842 தொடர்பு கொள்ளவும்

----

ஊன் வாட உண்ணாது உயிர் காவல் இட்டு உடலில் பிரியாப் புலன் ஐந்தும் நொந்து

தான் வாட வாடத் தவம் செய்ய வேண்டா தமதா இமையோர் உலகாளகிற்பீர்

கான் ஆட மஞ்சைக் கணம் ஆட மாடே கயல் ஆடு கால் நீர்ப் பழனம் புடைபோய்

தேன் ஆட மாடக் கொடி ஆடு தில்லைத் திருச்சித்ரகூடம் சென்று சேர்மின்களே

தேவர்களின் உலகை ஆள வேண்டியிருப்பவர்களே உடலை வருத்தி கொண்டு உண்ணாமல் உயிரை காத்துகொண்டு உடலை விட்டு போகாத ஐம்புலன்களும் நொந்து போகும்படி வாட வாட தவமெல்லாம் செய்ய வேண்டாம்

செடி கொடிகள் அசையவும், மயில்கள் ஆடவும், பக்கத்திலே தேனை குடித்த வண்டுகள் நீர்களையுடைய வாய்கால்களை உடைய வயல்களுக்கு சென்று மேலே பறக்கவும், மாடங்களில் உள்ள கொடிகள் ஆடும் சிதம்பரம் கோவிந்தா ராஜ பெருமாளிடம் சென்று சேருங்கள்

--திருமங்கை ஆழ்வார்

கையோடு நீடு கனி உண்டு வீசு கடுங்கால் நுகர்ந்து நெடுங்காலம் ஐந்து

தீயோடு நின்று தவம் செய்ய வேண்டா திரு மார்பனைச் சிந்தையுள் வைத்தும் என்பீர்

வாய் ஓது வேதம் மலிகின்ற தோல் சீர் மரியாளர் நாளும் முறையால் வளர்த்த

தீயோங்க ஓங்கப் புகழ் ஓங்கு தில்லைத் திருச்சித்ரகூடம் சென்று சேர்மின்களே

மகாலட்சுமியை நெஞ்சில் வைத்து கொண்டிருக்கும் பெருமாளை நெஞ்சில் வைத்து கொள்ள விரும்பும் பக்தர்களே! காய்களையும், உலர்ந்த பழங்களையும்,காற்றையும் உண்டு நெடுங்காலம் தீயின் நடுவில் நின்று தவம் செய்ய வேண்டாம்

தொன்மையான நல்ல குணங்களை கொண்டு வேதியர்கள் நாள்தோறும் வேதங்கள் ஓதி கொண்டிருக்கும் ஓங்கிய புகழையுடைய சிதம்பரம் கோவிந்தராஜ பெருமாளை சென்று சேருங்கள்

--திருமங்கை ஆழ்வார்

----

வையம் தகளியா வார்கடலே நெய்யாக
வெய்ய கதிரோன் விளக்காக - செய்ய
சுடராழியான் அடிக்கே சூட்டினேன் சொன்மாலை
இடராழி நீங்குகவே! -- பொய்கையாழ்வார்

அன்பே தகளியா ஆர்வமே நெய்யாக
இன்புரு சிந்தை இடுதிரியா - நன் புகழ் சேர்
ஞானச் சுடர் விளக்கேற்றினேன் நாரணற்கு
ஞானத் தமிழ் புரிந்த நான்.--- பூதத்தாழ்வார்

திருக்கண்டேன் பொன் மேனி கண்டேன் திகழும்
அருக்கன் அணி நிறமும் கண்டேந் செருக்கிளரும்
பொன்னாழி கண்டேன் புரிசங்கம் கண்டேண்
என்னாழி வண்ணன்பால் இன்று.--- பேயாழ்வார்