நரசிம்மா நரசிம்மா நரசிம்மா என்போம்
நன்மை தரும் நாமமதே நரசிம்மா என்போம்
வரம் அருளும் நலம் அருளும் வைஷ்ணவத்தின் நாமம்
வல்லமையும் செல்வாக்கும் வழங்குகின்ற நாமம் (நரசிம்மா)
இரவு பகல் உடனிருந்து உதவுகின்ற நாமம்
இதயத்திலே கோயில் கொண்டு எழுந்தருளும் நாமம் (நரசிம்மா)
பரந்தாமன் என்று உலகில் பரந்திருக்கும் நாமம்
பக்தரிடம் பரிவு கொண்ட பரம்பொருளின் நாமம் (நரசிம்மா)
நிரந்தரமாய் நெஞ்சினிலே நிலைத்து நிற்கும் நாமம்
நிம்மதியும் நிர்மலமும் வழங்குகின்ற நாமம் (நரசிம்மா)
கரம் குவித்து வணங்கிடுவோர் களிப்படையும் நாமம்
கடிகையிலே கோவில் கொண்ட கருணை மிக்க நாமம் (நரசிம்மா)
சரணமென்று தாள் பணிந்தால் மணமகிழும் நாமம்
சந்தோஷ வாழ்வு தரும் சக்ரதாரி நாமம் (நரசிம்மா)
நரசிம்மன் என்று உலகில் புகழ் படைத்த நாமம்
நம்பினோரை கைவிடாத நாராயணின் நாமம் (நரசிம்மா)
